እንኳን ወደ ኢ/ኦ/ተ/ቤ/ክ ደ/ወ/ቅ/ማርያም ድህረ ገፅ በሰላም መጡ።

አንድ አምላክ በሚሆን በአብ በወልድ በመንፈስ ቅዱስ ስም ቅድስት ቤተክርስቲያን እንኳን ወደ ደብረወርቅ ቅድስት ማርያም የኢትዮጵያ ኦርቶዶክስ ተዋሕዶ ቤተክርስቲያን ድረ -ገፅ እንኳን ደሕና መጡ እንላለን። የዚሕ ድረ-ገፅ ዋና አላማ በአየርላንድ አገር በደብሊን ከተማ የምትገኘውን በ ሰኔ ፳፩ ቀን ፪ሺህ ዓ.ም በብጹዕ አቡነ እንጦንስ የሰሜንና የምዕራብ አውሮፓ አህጉረ ስብከት ሊቀ ጳጳስ ተባርካ የተከፈተችውን ቤተክርስቲያን እንቅስቃሴ ማስቃኘት ነው። በድረ - ገፅ ላይ የበኩልዎትን ተሳትፎ፣አስተዋፅኦ እና አስተያየት እንዲያበረክቱም ቅድስት ቤተክርስቲያችን ትጋብዛለች። እግዚአብሔር ቅድስት ሀገር ኢትዮጵያን ይባርክ ። አሜን!!

In the name of the Father, the Son and the Holy Sprit, one God; the Church welcomes you to the website of St. Mary of Debrework of the Ethiopian orthodox church. The main objective of the website is to give you an insight and general information about Ethiopian orthodox church in Ireland which was established in June 28, 2008 by His Grace Abune Entons, Archbishop of Ethiopian Orthodox in Northern and North Eastern Europe. Your comment, participation and feedback are most welcome. God bless the holy land Ethiopia. Amen

✞✞✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞✞✞

❖ እንኳን አደረሳችሁ ❖

ሰኔ 21 ቀን የሚከበሩ ዓመታዊ የቅዱሳን በዓላት ትናንት ለስም አጠራሩ ጌትነት ይሁንና ጌታችንና መድኃኒታችን ኢየሱስ_ክርስቶስ ወደ ሐዋርያት ወረደ:: ፊልዽስዩስ በምትባል ሃገር በዼጥሮስ እጅ የመጀመሪያዋን ቤተ_ክርስቲያን አነጸ ብለን ነበር:: በዚህች ዕለት ደግሞ አእላፍ መላዕክትን: ሰማያውያን ቅዱሳንን እና እናቱን ቅድስት ድንግል ማርያምን ይዟት ወረደ:: ሐዋርያቱ አብዛኞቹ እዛው ሲጸልዩ አድረው ነበርና ጌታችን ከቅዳሴው በፊት 2 ነገሮችን አሳየ:-

1.አስቀድሞ ቤተ ክርስቲያኗን በድንግል እናቱ ስም አክብሮ

ሥርዓተ ቤተ ክርረስቲያንን አሳየ::

2.ቀጥሎ ደግሞ ሊቀ ሐዋርያት ቅዱስ_ዼጥሮስን ከመካከል አቁሞ "አርሳይሮስ" ሲል ሾመው:: ይኼውም የዓለም ሁሉ ሊቀ ዻዻሳት (ፓትርያርክ) ማለት ነው:: በዚህ ጊዜ ቅዱሳን መላእክት "አክዮስ" እያሉ 3 ጊዜ አሰምተው ጮሁ:: አክዮስ ማለት በግዕዙ "ይደልዎ": በዐማርኛው ደግሞ "ይገባዋል: ያሥምርለት" እንደ ማለት ነው::

ጌታችን ይሕን ከከወነ በኋላ ይቀድስ ዘንድ ጀመረ:: አማናዊት ማሕደሩን ድንግል ማርያምን መንበር አድርጎ: ቅዱስ ዼጥሮስ እንደ ተራዳኢ ካህን ቆሞ: ቅዱስ_እስጢፋኖስ ሠራኢ ዲያቆን ሆኖ: ሐዋርያት ድንግልን ከበው: መላእክተ ብርሃን በክብራቸው ቁመው ጌታችን ቀድሶ ቅዱስ ሥጋውንና ክቡር ደሙን ለወዳጆቹ አቀበለ:: በዚያች ዕለት በፍጡር አንደበት ተከናውኖ ሊነገር የማይችል ደስታ ተደረገ:: ከቅዳሴ በኋላ ጌታችን ሐዋርያትን አዘዛቸው:: ከዚህ ቀን ጀምሮ በመላው ዓለም በእናቴ በማርያም ስም አብያተ ክርስቲያናትን እነጹ:: ይህችን ዕለትየሚያከብራትን አከብረዋለሁ:: ብሏቸው ከድንግል እናቱ ከመላዕክቱ ጋር ዐረገ::

ሰኔ_ጐልጐታ

ዳግመኛ በዚህ ቀን ሐዋርያው ቅዱስ ቶማስ ይታሰባል::

ይኸውም ከሕንድ አውራጃዎች በአንዱ ወንጌልን ሰብኮ

እኩሎቹ ሲያምኑ እኩሎቹ እንቢ አሉ:: ቅዱስ ቶማስም ያመኑትን "ከጣዖት አምልኮና ከዝሙት ሸሹ" ብሎ መከራቸው:: ምክሩን ከሰሙት አንዱ በዚያው ምሽት ሊጠጣ ወደ መሸታ ቤት ይገባል:: ሰው ሁሉ ከወጣ በኋላ ባለ መሸተኛዋ ሴት እንደለመደችው አብረው እንዲተኙ ስትጠይቀው "እንዴት ሐዋርያው ከዝሙት ሽሹ እያለ እንዲህ ትይኛለሽ?" በሚል ሰይፍ አውጥቶ አንገቷን ቆረጣት:: እርሱ መልካም ያደረገ መስሎታል:: የሠራው ሥራ (መግደሉ) ግን አሕዛባዊ ግብር ነው:: በማግስቱ ቅዱስ ቶማስ ነገሩን ሰምቶ ሰዎችን ሰበሰበና "ይህንን የአውሬ ድርጊት የፈጸመ ማነው?" ሲል ጠየቀ:: ፈጻሚው ግን አልታወቅም በሚል ዝም አለ:: ወዲያው ቅዱሱ ሐዋርያ ዳቦ አንስቶ ቆረሰና "ለበረከት እያነሳችሁ ውሰዱ" አለ:: ሰውየው ተራውን ጠብቆ ሊያነሳ ሲል እጁ ሰለለች:: ሐዋርያው "ምነው ልጄ! ምን ሆንክ?" አለው:: እሱም እንዳላመለጠ ሲያውቅ እውነቱን ተናዘዘ:: ቅዱስ ቶማስ ግን ሕዝቡ ሁሉ እንደተሰበሰበ ያን ወጣት ገስጾ "አስከሬኑን አምጡልኝ" አለ:: የወጣቱን እጅ ፈውሶ "በል . . የገደልኩሽ እኔ: የሚያስነሳሽ ግን ጌታየ_ኢየሱስ_ክርስቶስ ነው . . . ብለህ አንገቷን ቀጥለው" አለው:: እንዳለው ቢያደርግ የሞተችው አፈፍ ብላ ተነሳች:: ይህንን ተአምር ያዩ አሕዛብ አምነው ተጠምቀዋል::

ከሐዋርያው በረከት ይክፈለን::

ሰኔ 21 ቀን የሚከበሩ ዓመታዊ የቅዱሳን በዓላት

1.እመቤታችን ቅድስት ድንግል ማርያም

2.ቅድስት ቤተ ክርስቲያን

3.ቅዱሳን ሐዋርያት

4.ቅዱስ ዼጥሮስ ሊቀ ሐዋርያት

5.ቅዱሳን ዻውሎስና በርናባስ

6.ቅዱስ ቶማስ ሐዋርያ

7.ቅዱስ ባስልዮስ ዘቂሣርያ

8.ቅዱስ ጢሞቴዎስ ዘምስር (ሰማዕት)

9.አባ ከላድያኖስ ሊቀ ዻዻሳት

ወርኃዊ በዓላት

1፡ አበው ጎርጎርዮሳት

2፡ አባ ምዕመነ ድንግል

3፡ አባ ዓምደ ሥላሴ

4፡ አባ አሮን ሶርያዊ

5፡ አባ መርትያኖስ

6፡ አቡነ በጸሎተ ሚካኤል

ስለ ጽዮን ዝም አልልም . . . አሕዛብም ጽድቅሽን: ነገሥታትም ሁሉ ክብርሽን ያያሉ:: የእግዚአብሔርም አፍ በሚጠራበት በአዲሱ ስም ትጠሪያለሽ:: በእግዚአብሔር እጅ የክብር አክሊል በአምላክሽም እጅ የመንግሥት ዘውድ ትሆኛለሽ:: +"+ (ኢሳ. 62:1-3)

ጾም ማለት ሰውነት ከሚፈልጋቸው ነገር ሁሉ መከልከል ማለት ነው፡፡ ወይም ለሥጋ የሚመቸውን ነገር መተው ማለት ነው፡፡ ሃይማኖት ባለበት ሁሉ ጾም አለ ጾም ከሃይማኖት ጋር ዘለዓለማዊ ዝምድና አለው፡፡ ይልቁንም በብሉይ ኪዳን ጾም ከፍተኛ ቦታ ነበረው፡
በኢትዬዽያ ኦርቶዶክስ ተዋሕዶ ቤተክርስትያን ደብረ ወርቅ ቅድስተ ማርያም ደብሊን ሕፃናት መዘምራን ........
PLEASE DONATE OUR CHURCH TODAY
GOD BLESS YOU
&